یونیورسٹی
پیپر وانگ، پیپر چارگ، پیپر لِکّگ
کار، زبانءِ وانَگ۔۔۔
ءُ ہرشپ وپسئے توکا زارءُ کُوکار اِنت
دوازدہ کَسّ اِش بُرتہ مرچی
یکّیں لوگءَ
یکّیں روچءَ
گارءُ بیگواہ اَنت۔۔۔
لیٹئے
چارسدءُ سیزدہ لاش دراتکہ مرچی
یکیں کبرءَ
یکیں جاہءَ
فوجی کیمپءِ پُشتءَ۔۔۔
دم کَشئے، جندءِ توکا لاشانی بو اِنت
تاجءِ گُنگی
تاجءِ کَرّی
تاجءِ کوری
ہر رو لاشاں گیش کنان اِنت
مئے نیامءِ کبرستانءَ، وَدّینان اِنت، ءُ منا
مپتءَ بے واب کنان اِنت
